Յուրաքանչյուր քննաթերթիկից (ընթերցանություն ու գրավոր խոսք, լսողական, խոսակցական) Դուք կստանաք առանձին միավորներ, որն ավելի պարզ կդարձնի Ձեր արդյունքները յուրաքանչյուր մասի համար: Այս 3 գնահատականների միջինով կորոշվի վերջնական արդյունքը: Կտրվի նաև գնահատական և Common European Framework of Reference for Languages (CEFR) մակարդակ:

Ե՞րբ է հայտնի դառնում B1 Preliminary քննության արդյունքները

Բոլոր մասնակիցները ստանում են արդյունքները վկայող փաստաթուղթ, իսկ հաջողությամբ հանձնելու դեպքում՝ նաև հավաստագիր:

Արդյունքների փաստաթուղթը ուղարկվում է օնլայն տարբերակով, մորավորապես 4 շաբաթվա ընթացքում:

Ե՞րբ կստանաք B1 Preliminary հավաստագիրը

Մենք ստանում ենք Ձեր հավաստագրերը արդյունքների հրապարակումից 2 շաբաթ հետո ու անմիջապես տեղեկացնում Ձեզ:

B1 Preliminary քննության համար նախատեսված գնահատման սանդղակը

Կախված նրանից, թե որ համալսարան, քոլեջ կամ կազմակերպություն եք դիմում, Ձեզանից կպահանջվի որոշակի գնահատական, կամ ամբողջական, կամ հատուկ հմտությունների համար: B1 Preliminary քննության համար կիրառվում է հետևյալ սանդղակը.

• 160-170 | Դրական գերազանց արդյունք | CEFR: B2

• 153-159 | Դրական միջին արդյունք | CEFR: B1

• 140-152 | Դրական արդյունք | CEFR: B1

• 120-139 | A2 մակարդակ | CEFR: A2

Քննությունը միտված է CEFR B1 մակարդակին: Քննությունը տալիս է նաև B1-ից բարձր՝ B2 մակարդակի ու ցածր՝ A2 մակարդակի գնահատման հնարավորություն:

120-139 միավորները նույնպես հրապարակվում են, բայց B1 Preliminary մակարդակի հավաստագիր Դուք չեք ստանա:

153-170 միավոր հավաքելու դեպքում Դուք կարող են սկսել պատրաստվել հաջորդ՝ B2 First քննությանը: